ჩრდილოეთ მაკედონია NATO-ს ახალი წევრი გახდა. ალიანსის მოკავშირეებმა ჩრდილოეთ მაკედონიის გაწევრიანების დოკუმენტს ხელი 2019 წლის თებერვალში მოაწერეს ხელი, რის შემდეგაც 29 ქვეყნის პარლამენტებმა მის რატიფიცირებას დაუჭირეს მხარი.

NATO-ს შტაბბინაში ჩრდილოეთ მაკედონიის დროში აღმართვის ცერემონია 2020 წლის 30 მარტს გაიმართება, რომელსაც გენერალური მდივანი იენს სტოლტენბერგიც დაესწრება.

ალიანსში ჩრდილოეთ მაკედონიის გაწევრიანება მას შემდეგ გახდა შესაძლებელი, რაც ქვეყანამ ოფიციალური სახელწოდება შეიცვალა. იუგოსლავიის დაშლის შემდეგ საბერძნეთი მუდამ ითხოვდა, რომ მაკედონიას მისი ისტორიული რეგიონის მსგავსი სახელწოდება არ ჰქონოდა, სხვა შემთხვევაში კი ევროკავშირსა და ნატოში შესვლის მის ყველა მცდელობას ბლოკავდა.

სახელწოდების ცვლილებაზე საბერძნეთმა და ჩრდილოეთ მაკედონიამ შეთანხმებას 2018-ის ივნისში მიაღწიეს, თუმცა ოფიციალურად ის ძალაში მხოლოდ 2019 წლის თებერვალში შევიდა.

ამის შემდეგ ჩრდილოეთ მაკედონიამ ნატოსთან გაწევრიანების პროტოკოლს მოაწერა ხელი და ევროკავშირში გაწევრიანების სურვილიც გამოთქვა. თუმცა ბევრისთვის მოულოდნელად საფრანგეთმა ჩრდილოეთ მაკედონიის სურვილი დაბლოკა.