თანამედროვე ცხოვრების წესიდან გამომდინარე, განვითარებული ტექნოლოგიების საშუალებით, ვცდილობთ ჩვენი ყოველდღიურობა მაქსიმალურად შევამსუბუქოთ და სხვადასხვა ვალდებულებების შესასრულებლად ზედმეტი დრო და ენერგია აღარ დავხარჯოთ.

ამის მისაღწევად, ერთ-ერთი ყველაზე მარტივი გზა დისტანციური გადახდებია: სხვადასხვა ფინანსური ტრანზაქციის განსახორციელებლად კონკრეტულ დაწესებულებაში მისვლა და რიგში დგომა, ან უახლოესი გადასახდელი აპარატის მოძებნა საჭირო აღარაა — უმეტეს შემთხვევაში, სასურველი მომსახურების მიღება დისტანციურადაც შეგვიძლია.

ახლა კი, მსოფლიოსთან ერთად, საქართველოში არსებული მდგომარეობის გათვალისწინებით, სახლიდან გასვლის მაქსიმალურად შეზღუდვა არა მარტო დროის დაზოგვის და საკუთარი კომფორტის შენარჩუნების, არამედ პირადი და გარშემომყოფების უსაფრთხოების დაცვის გარანტიცაა.

ამ პირობებში, დისტანციური გადახდები მაქსიმალურად გვიწყობს ხელს არ დავარღვიოთ თვითიზოლაციის რეკომენდაციები, მოვერიდოთ ხალხმრავლობას, თავი შევიკავოთ ნაღდი ფულის გამოყენებისგან და გადახდები ონლაინ განვახორციელოთ.

დისტანციური გადახდების სიმარტივესა და უპირატესობაში სულ მარტივად დარწმუნდებით, თუ TBC Pay-ის მომსახურებით ისარგებლებთ: ერთ სივრცეში თავმოყრილი 1000-ზე მეტი სერვისის საშუალებით შეგიძლიათ ნებისმიერ დღესა და დროის მონაკვეთში სასურველი ტრანზაქცია განახორციელოთ.

ეს შეიძლება იყოს სხვადასხვა ბანკის ანგარიშზე თანხის გადარიცხვა, კომუნალური საფასურის დაფარვა, ინტერნეტის გადასახადის გადახდა, მართვის მოწმობის, გამოცდის ჯავშნის ან საცხობის შეკვეთის ღირებულების გადახდა, itune-ის ბალანსი თუ პატრულის ჯარიმა, მოკლედ, ყველაფერი რაც შეიძლება დაგჭირდეთ.

სასურველი სერვისებით სარგებლობა მაქსიმალურად ხელმისაწვდომი რომ იყოს, TBC Pay მომხმარებლებს სთავაზობს როგორც ვებგვერდის მომსახურებას, ისე აპლიკაციას, რომელსაც მობილურში ჩამოწერთ და კიდევ უფრო მარტივად განახორციელებთ გადახდებს.

TBC Pay-ის მომსახურებით სარგებლობისას ნებისმიერი ბანკის ბარათით შეგიძლიათ ანგარიშსწორება — ყველა ბანკის მომხმარებელი თანაბარი პირობებით სარგებლობს.

და იმ შემთხვევაშიც კი, თუ საერთოდ არ ხართ ბანკის მომხმარებელი და არ ფლობთ საბანკო ბარათს, დისტანციური მომსახურებით სარგებლობას მაინც შეძლებთ: TBC Pay-ის ვებგვერდზე ან აპლიკაციაში რეგისტრაციის შემდეგ შეგიძლიათ თიბისი ფეის სწრაფი ჩარიცხვის აპარატიდან საკომისიოს გარეშე შეავსოთ თანხა ნაღდი ფულით, რომელიც განყოფილება ჩემს საფულეში ბალანსზე აგესახებათ და რომლითაც ისარგებლებთ სასურველი ონლაინ გადარიცხვისას.

იმისათვის, რომ დისტანციური გადახდები მომაბეზრებელ რუტინად არ გადაიქცეს და მუდმივად დაუსრულებელი ციფრების და კოდების შეყვანა არ დაგჭირდეთ, TBC Pay-ის სისტემა თქვენ მიერ უკვე გამოყენებულ საიდენტიფიკაციო ნომრებს იმახსოვრებს და შემდეგ ჯერზე მათი ხელახლა აკრეფა აღარ გჭირდებათ, შედეგად ნებისმიერ ოპერაციას წამებში ახორციელებთ.

სერვისის გადახდის შესახებ SMS შეტყობინების მიღების ფუნქცია, ერთ-ერთია აპლიკაციის იმ სიკეთეებს შორის, რომელიც თქვენს ყოველდღიურობას გაამარტივებს. SMS შეტყობინების მიღების გააქტიურების შემთხვევაში, კონკრეტული სერვისის დაფარვის დროის მოახლოებას აპლიკაცია შეგახსენებთ და ამგვარად, გადახდასაც აღარ გადააცილებთ.
ასევე შეგიძლიათ ისარგებლოთ ავტომატური გადახდის ფუნქციით, რომელიც შესაბამისი ინფორმაციის მითითების შედეგად, სხადასხვა გადახდების, მაგალითად კომუნალური დავალიანებების, ავტომატურად დაფარვას გულისხმობს.

თუმცა, ყველაზე სასიამოვნო და სასარგებლო უპირატესობა მაინც ის გვგონია, რომ თიბისი ფეის აპლიკაცია გადახდების ერთადერთი პლატფორმაა, რომელიც მობილური ინტერნეტის ამოწურვის შემთხვევაშიც მუშაობს. გასათვალისწინებელია, რომ ამ ეტაპზე ეს სერვისი მხოლოდ მაგთის აბონენტებისთვისა არის ხელმისაწვდომი.

TBC Pay თქვენს ცხოვრებაში ის დამხმარე გახდება, რომელიც რუტინულ პასუხისმგებლობებს მაქსიმალურად შეგიმსუბუქებთ და ამავდროულად, ხშირად სასიამოვნო სიურპრიზებითაც გაგაოცებთ. იმიტომ, რომ უფრო მარტივია!