ახალი საქართველოს ლიდერი, გიორგი ვაშაძე ამტკიცებს, რომ კორონავირუსის დასადგენი სწრაფი ტესტი აქვს. სწორედ ამ ტესტების დროულად ჩამოტანისკენ მოუწოდებდა ის საქართველოს მთავრობას, დაავადებათა კონტროლის ცენტრს კი ტესტების შემომტან ორგანიზაციებთან დაკავშირებას სთავაზობდა.

ვაშაძემ ტესტი პირდაპირ ეთერში გაიკეთა და განაცხადა, რომ შედეგი უარყოგითია. მანვე აღნიშნა, რომ ამ სწრაფმა ტესტმა წარმატებით იმუშავა სამხრეთ კორეაში და საქართველოშიც უნდა იყოს, რომ ყველას შემოწმება მოხერხდეს.

"ყველა სპეციალისტი ხმამაღლა საუბრობს დღეს, რომ ნომერ პირველი ამოცანა ქვეყანაში არის სწრაფი დიაგნოსტირება. თუ სწრაფი დიაგნოსტირება არ გვექნა, ჩვენ ამ ეპიდემიას ვერ შევაჩერებთ", — განაცხადა ვაშაძემ.

პრმიერ-მინისტრ გიორგი გახარიას თქმით, სწრაფი ტესტები "პანაცეა არ არის" და პოლიტიკური ინსტრუმენტია ზოგიერთი "უპასუხისმგებლო პოლიტიკოსის" ხელში, რომელსაც წარმოდგენა არ აქვს, ამ ტესტს, შემდგომ განვითარების რა ეტაპები უნდა მოჰყვეს.

დაავადებათა კონტროლის ცენტრის დირექტორმა, ამირან გამყრელიძემ კი განაცხადა, რომ კონტაქტები თავადაც აქვთ და ტესტების შემოტანაზე მუშაობენ. მისი თქმით, ვაშაძის მადლიერი იქნება, თუ კონტაქტების მოძიების ნაცვლად, ტესტებს ჰუმანიტარულად გადასცემს.