26 მარტს საქართველო-ბელარუსის გასამართი საფეხბურთო მატჩი გადაიდო. ინფორმაციას ამის შესახებ ფეხბურთის ფედერაცია ავრცელებს.

საქართველო-ბელარუსის მატჩამდე ერთი თვი ადრე ყველა ბილეთი უკვე გაყიდული იყო. ფედერაციაში ამბობენ, რომ გულშემატკივრებს შეუძლიათ შეინარჩუნონ ბილეთი და კონკრეტული თარიღის დანიშვნის შემდეგ, არსებული ბილეთით დაესწრონ მატჩს. ბილეთების უკან დაბრუნების სურვილის შემთხვევაში, თანხის ანაზღაურებისთვის TKT.GE-ს მიმართონ.

დღეს, 17 მარტს ცნობილი გახდა, რომ უეფამ 2020 წელს ჩასატარებელი ევროპის ჩემპიონატი ერთი წლით გადადო. მატჩები 12 ივნისიდან 12 ივლისის ჩათვლით ევროპის 12 ქალაქში უნდა ჩატარებულიყო.

ჩემპიონატის გადადების შესახებ გადაწყვეტილება საგანგებო სხდომაზე მიიღეს. წინა კვირას ცნობილი გახდა, რომ კორონავირუსის გამო ჩემპიონთა ლიგისა და ევროპა ლიგის ყველა მატჩი განუსაზღვრელი დროით გადაიდო.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: