ცნობილმა მსახიობმა და მომღერალმა, ჯარედ ლეტომ რამდენიმე საათის წინ ტვიტერზე დაპოსტა, რომ კორონავირუსის პანდემიის შესახებ სულ ახლახანს გაიგო.

როგორც აღმოჩნდა, ის განსაკუთრებული მედიტაციით იყო დაკავებული და გარესამყაროს სიახლეებთან წვდომა არ ჰქონდა:

"ვაუ. 12 დღის წინ დავიწყეთ ჩუმი მედიტაცია უდაბნოში. ჩვენ სრულიად იზოლირებულები ვიყავით: არც ტელეფონი ან სხვა რაიმე კომუნიკაციის საშუალება არ გვქონია. წარმოდგენა არ გვქონდა, თუ რა ხდებოდა მსოფლიოში".

მედიტაციის შემდეგ კი მომღერალს ლამის სრულიად შეცვლილი სამყარო დახვდა:

"გუშინ სრულიად განსხვავებულ სამყაროში აღმოვჩნდი — ის სამუდამოდ შეიცვალა. დაუჯერებელია, მხოლოდ ამის თქმა შემიძლია. მთელ მსოფლიოში მეგობრებსა და ოჯახის წევრებს ვწერ, რათა კარგად გავიგო, თუ რა ხდება".

როგორც ჩანს, ოსკაროსანი მსახიობი იმაზე მეტადაა გაოცებული, ვიდრე თბილისში მცხოვრები მოსახლეობა, რომელსაც 17 მარტის დილით ქალაქში თოვლი დახვდა.