სულ ცოტა ხნის წინ ცნობილმა მსახიობმა, იდრის ელბამ ტვიტერის პირად ანგარიშზე განცხადება გაავრცელა, რომ მას კორონავირუსის ინფექცია დაუდასტურდა.

"ამ დილით Covid-19 დამიდასტურდა. თავს კარგად ვგრძნობ და არც სიმპტომები მაქვს, მაგრამ მას შემდეგ, რაც გავიგე, რომ შესაძლოა ამ ვირუსით ინფიცირებული ვყოფილიყავი, იზოლირებული ვარ. სახლში დარჩით და პრაგმატულად მოიქეცით. გაგაგებინებთ, როგორ ვიქნები, პანიკას ნუ აჰყვებით", — ვკითხულობთ მის პოსტში.

იდრის ელბას მაყურებლები ისეთ სერიალებში შესრულებული როლებით იცნობენ, როგორებიცაა Luther და The Office. ის ასევე თამაშობს ფილმებში The Dark Tower და Thor: Ragnarok.

ეს ცნობილი ბრიტანელი მსახიობი ერთადერთი ვარსკვლავი არ არის, ვისაც კორონავირუსი დაუდასტურდა: რამდენიმე დღის წინ იგივე დიაგნოზი დაუდგინდათ ჰოლივუდის საკულტო მსახიობს, ტომ ჰენკსა და მის ცოლს, რიტა უილსონს და ასევე ჯეიმს ბონდის მსახიობს, ოლგა კურილენკოს.