სანდრა რულოვსის მიერ პარლამენტის დეპუტატობაზე უარის თქმას ენმ-ს წევრი, დავით დარჩიაშვილი აფასებს და ამბობს, რომ სასურველი იქნებოდა, პარლამენტში ყოფილი პირველი ლედიც ყოფილიყო:

"მაგრამ აბსოლუტურად მესმის მისი განსაკუთრებული მდგომარეობის და რამდენად ძნელია ფსიქოლოგიურად მისთვის ამ უმრავლესობის გვერდით ყოფნა, რომელმაც ყველანაირი უკანონო მეთოდი გამოიყენა მის წინააღმდეგ ზუგდიდის რაიონში არჩევნების დროს".

ნაციონალური მოძრაობის სიის მეორე ნომერმა სანდრა რულოვსმა პარლამენტის დეპუტატის მანდატზე უარი თქვა და შესაბამისი მოთხოვნით ცესკოს მიმართა. ცენტრალურ საარჩევნო კომისიაში On.ge-ს განუცხადეს, რომ ეს სცილდება ცესკოს კომპეტენციას, რადგან იგი უკვე არჩეული დეპუტატია.