ქუთაის-გაენათის მიტროპოლიტმა, იოანე გამრეკელმა განაცხადა, რომ კორონავირუსთან დაკავშირებული რეკომენდაციების შესრულება სათაკილო არ არის, მაგრამ ქრისტიანებმა არ უნდა მოისმინონ რჩევები, რომლებიც "ღვთის მცნებას ეწინააღმდეგება". ასე გამოეხმაურა ის ერთჯერადი კოვზებით ზიარების საკითხს.

"თუკი სიფრთხილე უნდა დავიცვათ და რასაც გვთხოვენ ის უნდა შევასრულოთ, უნდა შევასრულოთ, სათაკილო არ არის. მაგრამ თუკი ღვთის მცნების საწინააღმდეგო რამეს გვეტყვის, რა თქმა უნდა, როგორც ქრისტიანებმა ის არც უნდა მოვისმინოთ, არათუ უნდა ვიმსჯელოთ. ზიარება ეს ის საიდუმლოა, რომელსაც ადამიანის გონება ვერ მისწვდება და ადამიანის ენა ვერ გამოთქვამს", — განაცხადა მან ქადაგებაზე, რომლის ჩანაწერსაც რუსთავი 2 ავრცელებს.

საპატრიარქომ ერთჯერადი კოვზით ზიარებაზე უარი თქვა, თუმცა განაცხადა, რომ ზიარების შემდგომ სასმლის (სიტკბოების) მიღება მრევლს ერთჯერადი ან საკუთარი ჭიქით შეუძლია. გარდა ამისა, მრევლს მისცეს რეკომენდაცია ყოველ დილას, უზმოზე ნაკურთხი წყალი დალიონ და სახლსა და სამსახურში აპკურონ. ასევე, პატრიარქის გადაწყვეტილებით ყოველ კვირა დღეს, 12 საათზე ყველა ტაძარში უნდა დაირეკოს ზარი და მრევლმა, ეკლესიაში და სხვაგანაც, ერთად ილოცოს.

ამავე თემაზე:

პანდემია და რეკომენდაციები

დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში კორონავირუსით ინფიცირების 30 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: