ეთიოპიამ კორონავირუსის პირველი შემთხვევა დაადასტურა. ამის შესახებ ინფორმაციას CNN ავრცელებს.

გამოცემა წერს, რომ ვირუსით ინფიცირებული 48 წლის იაპონიის მოქალაქეა, რომელმაც ქვეყანაში 4 მარტს იმოგზაურა. პაციენტი ამჟამად იზოლირებულია და სამედიცინო გამოკვლევები უტარდება.

ჯანდაცვის მინისტრის განცხადებით, მთავრობამ დამატებითი ბიუჯეტი გამოყო ვირუსის პრევენციისა და რესურსების მობილიზებისთვის.

"იმის გამო, რომ შიში და პანიკა ისეთივე საშიშია, როგორც თავად დაავადება, ქვეყანაში პირველმა დადებითმა შემთხვევამ არ უნდა მოგვცეს იმის საშუალება, რომ დაცვა შევამციროთ, არამედ ჩვენი ძალისხმევა უნდა გაორმაგდეს", — ნათქვამია განცხადებაში.

მსოფლიოში კორონავირუსის 125 ათასზე მეტი შემთხვევა გამოვლინდა და 4 600-ზე მეტი ადამიანი გარდაიცვალა. 11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა,

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: