ოდესის ოლქის პოლიციის ხელმძღვანელი გია ლორთქიფანიძე ფეისბუკზე ვიდეოს ავრცელებს, სადაც აცხადებს, რომ თანამდებობას ტოვებს.

მისი თქმით, მან უწყებაში წარმატებული რეფორმები გაატარა:

"ამ ეტაპზე, ოდესის ოლქის პოლიციას ახალი სისხლი სჭირდება. ეს გადაწყვეტილება თავად, დამოუკიდებლად მივიღე".

ლორთქიფანიძე ნაციონალური მოძრაობის მმართველობის პერიოდში შინაგან საქმეთა მინისტრის მოადგილის თანამდებობაზე მუშაობდა.

28 სექტემბერს, 26 მაისის საქმეზე, სამსახურებრივი უფლებამოსილების ძალადობით გადამეტების ბრალდებით, ქართულმა სასამართლომ გია ლორთქიფანიძეს პატიმრობა შეუფარდა.