მოდით, დღეს დავიცვათ დისტანცია, რომ ხვალ უფრო თბილად ჩავეხუტოთ ერთმანეთს

დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

მოდით, დღეს დავიცავთ დისტანცია, რომ ხვალ უფრო თბილად ჩავეხუტოთ ერთმანეთს და უფრო სწრაფად ვირბინოთ ერთად. ჩვენ შევძლებთ ამას", — ამ სიტყვებით მიმართა იტალიის პრემიერ-მინისტრმა, ჯუზეპე კონტემ მოსახლეობას.

კორონავირუსის გამო იტალია "წითელ ზონად" გამოცხადდა. COVID-19-ის გავრცელების პრევენციისთვის, ქვეყნის მასშტაბით შეზღუდვებია დაწესებული: აკრძალულია ყველა ტიპის საზოგადოებრივი თავშეყრა, დახურულია სხვადასხვა დაწესებულება, შეჩერებულია ყველა სპორტული ღონისძიება, აკრძალულია "ღამის გართობა" და სავალდებულოა ქუჩაში ერთმანეთისგან დისტანციის დაცვა.

ბოლო მონაცემებით, იტალიაში კორონავირუსით 12 000-ზე მეტი ადამიანია ინფიცირებული, გარდაიცვალა — 800-ზე მეტი, გამოჯანმრთელდა — თითქმის 3 000. იტალია კორონავირუსის გავრცელების მაღალი რისკის ქვეყნებს მიეკუთვნება ჩინეთთან, ირანთან და სამხრეთ კორეასთან ერთად.

დღეს, 11 მარტს კი ჯანდაცვის მსოფლიო ორგანიზციამ კორონავირუსი პანდემიად გამოაცხადა, რაც იმას ნიშნავს, რომ ძალაში შევა ახალი წესები და რეკომენდაციები, რომელთა შესახებაც ხვალ გახდება ცნობილი.