მსოფლიო ჯანდაცვის ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა. ამის შესახებ ორგანიზაციის დირექტორმა, ტედროს გებრეისუსმა ბრიფინგზე განაცხადა.

პანდემია ეწოდება ეპიდემიას, რომელიც გეოგრაფიულად განსაკუთრებით ფართო არეალში ვრცელდება, მაგალითად, რამდენიმე კონტინენტზე ან მთელი მსოფლიოს მასშტაბით. ტედროს გებრეიუსმა აღნიშნა, რომ ქვენებს ჯერ აქვთ შანსი გავლენა მოახდინონ კორონავირუსის გავრცელებაზე.

"ამ ერთი სიტყვის [პანდემის] მიმართ ძალიან დიდი ყურადღებაა მიპყრობილი. მინდა, რომ ყურადღება ისეთ სიტყვებზე გაამახვილოთ, როგორიცაა პრევენცია, მომზადებულობა, საზოგადოებრივი ჯანმრთელობა, პოლიტიკური ლიდერობა და რაც მთავარია, ადამიანები...

ჩვენ ამ პრობლემას გაერთიანებული ძალებით ვებრძვით, ვინარჩუნებთ სიმშვიდეს და ვიცავთ მსოფლიოს მოქალაქეებს. ეს დაძლევადია", — აღნიშნა მან.

საქარველოს დაავადებათა კონტროლის ცენტრის დირექტორმა, ამირან გამყრელიძემ განმარტა, რომ ქვეყანაში ჯანდაცვის სისტემის მზადყოფნის სამი სცენარია შემუშავებული. მისივე თქმით, გლობალურად საზოგადოება უფრო მომზადებულია, რომ ამ პანდემიას გავმკლავდეთ, მაგრამ აუცილებელა სოლიდარობა და დიდი სამოქალაქო პასუხისმგებლობა.

"პირველი ჩემი რეკომენდაცია და თხოვნა იქნება საზოგადოებისადმ არის ის, რომ ნუ მივეცემით პანიკას. რა თქმა უნდა, სერიოზული მდგომარეობაა გლობალურად, ეს არ უნდა დავმალოთ, მაგრამ პანიკა მხოლოდ ხელს შეუწყობს ინფექციის გავრცელებას და არა შეკავებას", — განცხადა მან ტელეკომპანია პირველის ეთერში.

მსოფლიოს მასშტაბით კორონავირუსით ინფიცირებულთა რიცხვმა 110 000-ს გადააჭარბა. გარდაცვლილია 4 000-ზე მეტი ადამიანი, გამოჯანმრთელდა — 64 000-ზე მეტი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: