თურქეთში კორონავირუსის პირველი შემთხვევა დაფიქსირდა. თურქული მედიის ინფორმაციით, ამის შესახებ ჯანდაცვის მინისტრმა, ფაჰრეთინ კოჩამ პრესკონფერენციაზე განაცხადა.

კოჩას თქმით, დადებითი შედეგის მქონე პაციენტი თურქეთის მოქალაქეა, რომელმაც ევროპაში იმოგზაურა. მისივე თქმით, პაციენტის ჯანმრთელობის მდგომარეობა ამ ეტაპზე დამაკმაყოფილებელია, მისი ნათესავები კი კარანტინში არიან გადაყვანილი.

მინისტრის განცხადებით, ქვეყანაში ყველა ღონისძიება ტარდება და "კორონავირუსი არ არის იმაზე უფრო ძლიერი, ვიდრე პრევენციის მექანიზმები, რომელსაც თურქეთი ატარებს".

მსოფლიოს მასშტაბით, კორონავირუსით ინფიცირებულთა რიცხვმა 110 000-ს გადააჭარბა. გარდაცვლილია 4 000-ზე მეტი ადამიანი, გამოჯანმრთელდა — 64 000-ზე მეტი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: