ლიეტუვამ კორონავირუსის პირველი შემთხვევა დაადასტურა. ამის შესახებ ინფორმაციას CNN ავრცელებს. ჯანდაცვის სამინისტროს ინფორმაციით, ინფიცირებულ ქალს საშუალო სიმპტომები აქვს.

ამ დროისთვის პაციენტი იზოლირებულია საავადმყოფოში, სადაც მის სამ ოჯახის წევრსაც აკვირდებიან. სამინისტროს განცხადებით, ოჯახის წევრებს სიმპტომები ამ დრომდე არ აქვთ. სიმპტომები, ასევე, არ გამოუვლინდათ იმ პირებს, რომლებთანაც პაციენტს კონტაქტი ჰქონდა.

"მიუხედავად გამაფრთხილებელი ზომებისა და მცდელობებისა, ვწუხვართ, რომ ლიეტუვამ ვერ აიცილა კორონავირუსი. ჩვენ ვიცოდით, რომ საფრთხე არსებობდა და აქტიურად ვემზადებოდით ამ სცენარისთვის", — თქვა ჯანდაცვის მინისტრმა.

მსოფლიოს მასშტაბით კორონავირუსით მინიმუმ 2 800 ადამიანი გარდაიცვალა და 83 000-ზე მეტი შემთხვევა გამოვლინდა. ჩინეთის ფარგლებს გარეთ ვირუსის ყველაზე მეტი შემთხვევა სამხრეთ კორეაში დადასტურდა. დღეს, 28 თებერვალს ვირუსის პირველი შემთხვევა დაადასტურა ნიგერიამ და ბელარუსმა. 26 თებერვალს საქართველოში ახალი კორონავირუსით ინფიცირების პირველი შემთხვევა დაფიქსირდა.

გაიგეთ მეტი კორონავირუსის პრევენციის შესახებ: