ფრიდრიხ ნაუმანის ფონდის მიერ ჩატარებული კვლევის, ევროპის თავისუფლების ბარომეტრი 2019-ის მიხედვით, საქართველო ერთი ადგილით დაწინაურდა. 2019 წლის მონაცემებით, საქართველო 69,06 ქულით 27-ე ადგილზე გავიდა. ამასთან, კვლევაში აღნიშნულია, რომ საქართველო ერთადერთი ქვეყანა იყო, რომელმაც შედეგი 1 ქულით გააუმჯობესა.

კვლევის მიხედვით, ეკონომიკური თავისუფლების ცხრილში საქართველო პირველ ადგილზეა, პოლიტიკური თავისუფლების მიხედვით 35-ზე, ხოლო კანონის უზენაესობის მიხედვით — 29.

პოლიტიკური თავისუფლების კრიტერიუმები:

  • სამართლიანი და თავისუფალი არჩევნები — 6,43 ქულა (0,36-ით გაუარესება);
  • არაკონსტიტუციური ვეტო მოთამაშეების არსებობა — 5,83 ქულა;
  • პრესის თავისუფლება — 7,10 ქულა (2,10-ით გაუმჯობესება).

კანონის უზენაესობის კრიტერიუმები:

  • სასამართლოს დამოუკიდებლობა — 5,33 ქულა (1,08-ით გაუმჯობესება);
  • კორუფცია — 5,80 ქულა (0,20-ით გაუმჯობესება);
  • ადამიანის უფლებების დაცვა — 6,30 ქულა (0,58-ით გაუმჯობესება).

ეკონომიკური თავისუფლების კრიტერიუმები:

  • საკუთრების უფლების უსაფრთხოება — 7,62 ქულა (1,13-ით გაუმჯობესება);
  • მთავრობის ზომა: ხარჯები, გადასახადები და საწარმოები — 8,04 ქულა (0,02-ით გაუმჯობესება);
  • ბიზნესის რეგულაციები — 7,75 ქულა (0,28-ით გაუმჯობესება);
  • საერთაშორისო ვაჭრობის თავისუფლება — 8,86 ქულა (0,08-ით გაუარესება).

2019 წლის თავისუფლების ბარომეტრის კვლევაში ქვეყნებს ადგილი ენიჭებათ პოლიტიკური თავისუფლების, კანონის უზენაესობისა და ეკონიმიკური თავისუფლების მიხედვით. გამოკითხვაში სულ 45 ევროპის ქვეყანა მონაწილეობს და მაქსიმალური ქულა 100-ია.