პარლამენტის პირველი ვიცე-სპიკერი, გია ვოლსკი ამბობს, რომ ოპოზიცია მმართველ გუნდთან მოლაპარაკებების მაგიდაზე უნდა დასხდეს, რადგან მათ შორის დაძაბულობა საზოგადოებას არ "გადაედოს". მისი თქმით, ოპოზიციის მიზანია, რომ პარტიებს შორის კრიზისში საზოგადოებაც "ჩაითრიოს".

"თუკი ჩვენ ჩვენი პარტნიორი ქვეყნებიდან, სენატიდან, ევროკავშირიდან მოგვიწოდებენ, რომ დავსხდეთ ერთად, უნდა დავსხდეთ. არა იმიტომ, რომ ჩვენი ურთიერთობები მოვაგვაროთ, არამედ საზოგადოებას არ გადაედოს ეს დაძაბულობა. პოლიტიკურ პარტიებს შორის ურთიერთობას კრიზისი ნამდვილად შეიძლება ვუწოდოთ, მაგრამ საზოგადოების ჩათრევა, რა საკვირველია, არის ამოცანა, რომელსაც ჩვენი ოპონენტები ემსახურებიან", — განუცხადა რუსთავი 2-ს გია ვოლკსიმ.

მას შემდეგ, რაც ევროპული საქართველოს ერთ-ერთი ლიდერი გიგი უგულავა დაააკავეს, ოპოზიციასა და ხელისუფლებას შორის საარჩევნო სისტემასთან დაკავშირებით მოლაპარაკებები შეყწდა. თუმცა, გუშინ, 18 თებერვალს, ქართული ოცნების გენერალურმა მდივანმა კახა კალაძემ განაცხადა, რომ მმართველი გუნდი ოპოზიციურ პარტიებთან ცალ-ცალკე მოლაპარაკებებს განიხილავს.