დღეს, 2 ნოემბერს, ჭავჭავაძის გამზირის ტროტუარზე ქალს ავტომანქანა დაეჯახა. თვითმხილველთა თქმით, მძღოლი უკანა სვლით მოძრაობდა და ქალი ვერ შენიშნა. მძღოლის თქმით, სარკეში ვერავინ დაინახა და ნელა მიდიოდა. ქალს სახე და მუხლები სისხლიანი ჰქონდა, თუმცა გონება არ დაუკარგავს. ადგილზე უკვე გამოიძახეს სასწრაფო სამედიცინო დახმარება.

ფოტო: On.ge/გვანცა ნემსაძე

ფოტო: On.ge/გვანცა ნემსაძე

16 ივნისს, თბილისის მერმა დავით ნარმანიამ რადიო კომერსანტში სტუმრობისას განაცხადა, რომ თბილისის მერია სექტემბრიდან ტროტუარებზე პარკირების აკრძალვას გეგმავს. თუმცა, ჯერჯერობით, ჭავჭავაძის გამზირის ტროტუარებს მძღოლები ავტომობილის პარკინგისა და გადაადგილებისთვის ამ დრომდე თავისუფლად იყენებენ.