გასული წლის 24 მაისს დისნეის ახალი ფილმი, ალადინი გამოვიდა, რომელმაც მაყურებელში საკმაოდ დიდი მოწონება დაიმსახურა და კარგი შემოსავალიც ჰქონდა.

სავარაუდოდ, სწორედ ამ წარმატების გათვალისწინებით გადაწყდა, რომ დისნეი ალადინის სიქველზეც დაიწყებს მუშაობას ჯონ გეტინსისა და ანდრეა ბერლოფის სცენარის მიხედვით.

ეს კი იმას ნიშნავს, რომ ძალიან მალე ერთ-ერთი ყველაზე ზღაპრული ფილმის გაგრძელებასაც ვიხილავთ.

ჯერჯერობით უცნობია ფილმის რეჟისორი ვინ იქნება. თუმცა, შესაძლებელია ეს კვლავ გაი რიჩი იყოს.

პირველ ნაწილში მთავარ როლებს უილ სმიტი, ნაომი სკოტი, და მენა მასუდა ასრულებდნენ. ჯერ-ჯერობით არც ისაა ცნობილი რომელ მათგანს ვიხილავთ მეორე ნაწილში, რადგან ფილმის სცენარი ჯერ არ დაწერილა.