დევიდ ჰოკნის ნახატი, რომელშიც მცურავი აუზში ჩახტომისას შხეფებს ისვრის, აუქციონზე 23 მილიონ დოლარად გაიყიდა.

1966 წელს შესრულებული ნახატი მხატვარმა პირველად 2006 წელს, 2,9 მილიონ დოლარად გაყიდა. წელს, მან იგივე აუქციონთან ითანამშრომლა.

ნახატი რომელიც $23 მილიონად გაიყიდა, ჰოკნის ერთ-ერთ ყველაზე ძვირდაღირებულ ნამუშევრად ითვლება. მხატვარს სულ სამი ნახატი აქვს შხეფებზე და სამივე წყლის ფორმებს ეძღვნება.

"იდეა მომწონს. ლეონარდომ მთელი გამოკვლევები ჩაატარა წყლის ფორმებზე. მე ორი კვირის მანძილზე ვუნდები იმის დახატვას, რაც რეალურად ორი წამის განმავლობაში გრძელდება. თითქოს მხატვრობა უფრო აცოცხლებს ამ პროცესს, ვიდრე ფოტოგრაფია", — განმარტა 82 წლის მხატვარმა.

პირველი ნამუშევარი A Little Splash კერძო კოლექციაშია დაცული. მესამე — A Bigger Splash ტეიტის კოლექციაში ინახება.

სოთბის წარმომადგენლის, ემა ბეიკერის სიტყვებით, ნამუშევარი არა მხოლოდ დევიდის ნახატებს შორის არის ყველაზე გამორჩეული, ჰოლივუდში ახალი ერა გააცოცხლა:

"მეოცე საუკუნის მხატვრობას რომ გადახედო, ძალიან ცოტამ მიაღწია ისეთ სტატუს რაც დევიდის ნახატებმა. ისევე როგორც მუნკის კივილი, მონეტის წყლის შროშანები, ჰოკნის შხეფებმაც ღირსეული ადგილი დაიმკვიდრა ჩვენს კულტურაში".

იმავე დღეს აუქციონზე $1,2 მილიონად გაიყიდა ბენქსის ნახატი Vote to Love. ნახატზე გამოსახული გულის ბუშტი ასო E და A-ს მალავს, რაც მთლიანობაში წასვლას [Leave] ნიშნავს.

ფოტო: Toby Melville/Reuters

თავდაპირველად, ნახატის ფასი $320 მილიონი იყო, მაგრამ შემდეგ აღმოჩნდა, რომ ეს უბრალოდ კამპანიის მიმართ გაკეთებული ხუმრობა იყო.

სოთბის აუქციონის სახლი ბევრ ცნობილ ნამუშევარს მასპინძლობს. მათი ფასი 400-დან 600 ათას დოლარამდე მერყეობს.

ამავე თემაზე: