განათლებისა და მეცნიერების მინისტრმა ალექსანდრე ჯეჯელავამ ტექნიკურ უნივერსიტეტში ჩატარებულ საჯარო ლექციაზე იმ გამოწვევაზე ისაუბრა, რასაც მოსწავლისთვის სასწავლო პროცესით დაინტერესება გულისხმობს:

"სკოლა არის უინტერესო და უნდა გავხადოთ საინტერესო. მე ჯადოსნური ჯოხი რომ მქონდეს, ვთხოვდი, რომ სკოლა გახდეს ყველაზე საინტერესო ადგილი ბავშვისთვის. ჩვენი სკოლა ისეთია, მეშვიდე კლასამდე შეაჯავრებენ ბავშვებს, ისე დატანჯავენ და მეთორმეტე კლასში პროფესიონალ ზარმაცს მივიღებთ და მას აღარ უშველის არაფერი.

სკოლა უნდა იყოს ისეთი, რომ მოსწავლე იყოს პირველ კლასში ზარმაცი, მეშვიდე კლასში შრომისმოყვარე და მეთორმეტე კლასში "ბრდღვნიდეს" ყველაფერს, ცოტა პირიქით ვართ".

მინისტრის თქმით, ეს პრობლემა მოგვარებადია და სკოლა "ერთ-ორ წელიწადში" საინტერესო ადგილი გახდება.