აფხაზეთის დე ფაქტო რესპუბლიკის გადამდგარი დე ფაქტო პრეზიდენტი, რაულ ხაჯიმბა განმეორებით საპრეზიდენტო არჩევნებში მონაწილეობას არ მიიღეს. ამის შესახებ მან რუსულ გამოცემა TASS-ს განუცხადა.

დე ფაქტო საპრეზიდენტო არჩევნებში სულ სამი კანდიდატი მიიღებს მონაწილეობას. ერთმა საინიციატივო ჯგუფმა საპრეზიდენტო კანდიდატად ოპოზიციის ერთ-ერთი ლიდერი ასლან ბჟანია წარადგინა, ხოლო მეორე საინიციატივო ჯგუფმა — დე ფაქტო ვიცე-პრემიერი აბგურა არძინბა. პარტია ერთიანობამ კი პრეზიდენტობის კანდიდატად შინაგან საქმეთა ყოფილი მინისტრი, ლეონიდ ჯაპშბა წარადგინეს.

განმეორებითი არჩევნები 22 მარტს უნდა გაიმართოს. რაულ ხაჯიმბამ ე.წ. პრეზიდენტის თანამდებობა მას შემდეგ დატოვა, რაც უზენაესმა სასამართლომ 2019 წლის 8 სექტემბრის არჩევნების შედეგი გააუქმა.

ამ გადაწყვეტილებას წინ უსწრებდა დაპირისპირება. ოპოზიციის წევრებმა თავიანთ მხარდამჭერებს მოუწოდეს, რომ 9 იანვარს სოხუმის ცენტრალურ მოედანზე, დე ფაქტო უზენაესი სასამართლოს შენობასთან შეკრებილიყვნენ. პროტესტი უკავშირდებოდა დე ფაქტო პრეზიდენტობის ყოფილი კანდიდატის, ალხას კვიცინიას სარჩელს, რომელიც ითხოვდა, რომ ე.წ. არჩევნების შედეგები გაუქმებულიყო. 9 იანვარს ოკუპირებულ სოხუმში მოქალაქეები დე ფაქტო პრეზიდენტის ადმინისტრაციაში შეიჭრნენ და დააზიანეს.