მარნეულელი სამოქალაქო აქტივისტი რაშან ზიადალიევი ბოლნისის რაიონულმა სასამართლომ ყველა წარდგენილ ბრალდებაში გაამართლა. მისი ადვოკატის, ედუარდ მარიკაშვილის ინფორმაციით, სასამართლომ დაადგინა, რომ აქტივისტს არ მიუყენებია შეურაცხყოფა პოლიცისათვის და არც მათი კანონიერი მოთხოვნისადმი დაუმორჩილებლობას ჰქონია ადგილი.

გარდა ამისა, მარიკაშვილის თქმით, მოსამართლემ განმარტა, რომ დაუშვებელია პირის იდენტიფიკაცია მხოლოდ იმ საფუძვლით, რომ ის გადაადგილდება ღამით მარტო და პოლიციას ამისთვის მნიშვნელოვანი საფუძველი უნდა ჰქონდეს. მისივე თქმით, მოსამართლემ აღნიშნა, რომ ორი პოლიციელის ჩვენება არ არის საკმარისი მსგავს, სისხლისსამართლებრივ ბრალდების ტოლფას საქმეებზე გამამტყუნებელი განაჩენისთვის და აუცილებლად უნდა არსებობდეს ნეიტრალური მტკიცებულება.

თავად რაშანი რადიო მარნეულთან საუბრისას ამბობს, რომ სასამართლო გადაწყვეტილებად შენიშვნას ან ჯარიმას ელოდება, რადგან პოლიციის ბრალდება მის საქმიანობას უკავშირდებოდა.

მარნეულელი სამოქალაქო აქტივისტი, რაშან ზიადალიევი 8 თებერვალს დააკავეს. მისი თქმით, პოლიციას ფოტოს გადაღების უფლება არ მისცა, რის შემდეგაც აიყვანეს.