კორონავირუსით დაავადებულ ადამიანებს შორის ყველაზე პატარა უხანში დაბადებული ახალშობილია. BBC წერს, რომ ბავშვს ვირუსი დაბადებიდან 30 საათის შემდეგ დაუდგინდა.

ბავშვი 2 თებერვალს უხანში, დაავადების გავრცელების ეპიცენტრში დაიბადა. ბავშვის დედას მშობიარობამდე ვირუსის ტესტი გაუკეთეს, რომელმაც პოზიტიური შედეგი აჩვენა. გაურკვეველია როგორ მოხდა ვირუსი საშვილოსნოში, ან როგორ გადაეცა ის ბავშვს დაბადების შემდეგ.

ჩინეთის სახელმწიფო მედიის ინფორმაციით, ბავშვი წონაში 3,25 კილოგრამს იწონიდა, ის ახლა სტაბილურ მდგომარეობაშია და დაკვირვების ქვეშ იმყოფება. ექიმები ბავშვის ინფიცირების ორ ვერსიას განიხილავენ, მათი თქმით, ვირუსი შეიძლება საშვილოსნოდან გადაეცა ან დაბადების შემდეგ, დედასთან მჭიდრო კონტაქტით.

ჩინეთში ახალი კორონავირუსით დაღუპულთა რიცხვი 563-მდე გაიზარდა, ვირუსით დაავადებულთა რაოდენობა კი 28 ათასს აჭარბებს.