ჯანდაცვის მინისტრის, ეკატერინე ტიკარაძის თქმით, გერმანიის მთავრობის დახმარებით დევნილებისთვის სოფლად სახლები აშენდება.

"გერმანიის მთავრობის მხარდაჭერით იგეგმება სოფლად ინდივიდუალური სახლების მშენებლობა 240-მდე დევნილი ოჯახისთვის და მათი დახმარება საარსებო წყაროებით. პროექტის ბიუჯეტი 10 მილიონი ევროთია განსაზღვრული", — თქვა ეკატერინე ტიკარაძემ.

პარლამენტში მინისტრის საათის ფარგლებში ეკატერინე ტიკარაძემ ისაუბრა 2020 წელს დევნილთა საჭიროებების დასაკმაყოფილებლად დაგეგმილ პროგრამებზე. მინისტრის თქმით, ამ წელს დევნილთა საჭიროებებისთვის ბიუჯეტიდან 70 მილიონი ლარია გამოყოფილი, დაგეგმილია 2 500-ზე მეტი დევნილ ოჯახისთვის სახცოვრებელი ფართის გადაცემა, 1 500-ზე მეტ ოჯახისთვის კი იმ ფართის დაკანონება, რომელშიც ცხოვრობენ. ამას გარდა, ეკატერინე ტიკარაძემ აღნიშნა, რომ 2020 წელს 250-მდე ეკომიგრანტი ოჯახი უსაფრთხო გარემოში განსახლდება.