სულ ცოტა ხნის წინ მედიაში გავრცელდა ინფორმაცია, რომ ცნობილი ავსტრალიელი მსახიობი, ტონი კოლეტი ნეტფლიქსის ახალ სატელევიზიო შოუში მთავარ როლს შეასრულებს.

Pieces of Her — ასე ჰქვია ახალ პროექტს, რომელსაც 2018 წელს გამოქვეყნებული ამავე სახელწოდების მქონე ბესტსელერის მიხედვით იღებენ. აღნიშნული წიგნისა და მომავალი სერიალის სიუჟეტური ხაზიც ჯორჯიის მშვიდი ქალაქის შესახებ მოგვითხრობს, სადაც მოულოდნელი ძალადობის შემთხვევა ერთი ოჯახის ცხოვრებას მთლიანად შეცვლის.

8-ეპიზოდიან სერიალს მინკი სპირო გადაიღებს, რომელიც მანამდე ისეთი ცნობილი შოუების რამდენიმე ეპიზოდის რეჟისორი იყო, როგორებიცაა Barry, Better Call Saul და Dead to Me. წლის ბოლომდე ასევე ვიხილავთ ამერიკელი კლასიკოსის, ფილიპ როთის გახმაურებული რომანის The Plot Against America მიხედვით მის მიერ გადაღებულ სერიალსაც.

რაც შეეხება ტონი კოლეტს, ის ცოტა ხნის წინ 2019 წლის ერთ-ერთ ყველაზე პოპულარულ სერიალში, Unbelievable ვიხილეთ, რომელშიც შესრულებულმა გამომძიებლის როლმა მსახიობს ოქროს გლობუსის ნომინაცია მოუტანა.

ტონი კოლეტი ფილმში Hereditary

ფოტო: A24

ნეტფლიქსის გახმაურებელ სერიალთან ერთად, 47 წლის ტონი კოლეტმა ასევე არაერთ მნიშვნელოვან ფილმში შესრულებული როლით დაამახსოვრა თავი მაყურებლებს. მათ შორისაა About a Boy (2002), Little Miss Sunshine (2006) და Hereditary (2018). შესაბამისად, ამ მსახიობის ერთგული გულშემატკივრები დარწმუნებულები შეიძლება იყვნენ, რომ წინ მისი კიდევ ერთი საინტერესო სამსახიობო შესრულება ელით.