ჩინეთიდან საფრანგეთში ევაკუირებული მოქალაქეებიდან 36-ს კორონავირუსის სიმპტომები გამოუვლინდა. ამის შესახებ ინფორმაციას ფრანგული მედია ჯანდაცვის მინისტრზე დაყრდნობით ავრცელებს.

ევაკუირებული მოქალაქეების თვითმფრინავი საფრანგეთში კვირას დაეშვა. 20 ადამიანს, რომელსაც სიმპტომები გამოუვლინდათ დარჩნენ აეროპორტში, სამხრეთ საფრანგეთში, შემდგომი ტესტირების გასავლელად, რომლის პასუხებიც ორშაბათს გახდება ცნობილი. ევაკუირებულთაგან 16 უცხო ქვეყნის მოქალაქე კი თავაიანთ ქვეყნებში დაბრუნდნენ.

France 24 წერს, რომ ევაკუირებული საქართველოს მოქალაქეები სხვებთან ერთად საფრანგეთში რჩებიან. საგარეო საქმეთა მინისტრის თქმით, იმ უცხო ქვეყნის მოქალაქეებს, რომლებსაც სიმპტომები არ აღმოაჩნდათ შეუძლიათ სამშობლოში დაბრუნდნენ.

ჯამში უხანიდან საფრანგეთში 245 ადამიანია ევაკუირებული. გერმანიის პრემიერის თქმით, საფრანგეთი დიდი შვიდეულის ქვეყნებთან ერთად კორონავირუსთან ერთობლივად ბრძოლის გზებს განიხილავს. ბოლო მონაცემებით, საფრანგეთში კორონავირუსის 6 შემთხვევა დადასტურდა.

ჯანდაცვის მსოფლიო ორგანიზაციამ კორონავირუსის გამო საერთაშორისო საგანგებო მდგომარეობა გამოაცხადა. ბრიფინგზე ორგანიზაციის წარმომადგენლებმა განაცხადეს, რომ ვირუსი კვლავ განაგრძობს გავრცელებას, საგანგებო რეჟიმის გამოცხადების მთავარ მიზეზად კი იმ ქვეყნების დაცვა დასახელდა, რომლებიც შეიძლება კორონავირუსთან გამკლავება თავად ვერ შეძლონ.