საქართველოს პატრიარქმა, ილია მეორემ, დღეს, 2 თებერვალს, საკვირაო ქადაგებისას განაცხადა, რომ ახალი კორონავირუსით ადამიანები შეშინებულები არიან და მას "სიკვდილის ვირუსს" უწოდებენ. პატრიარქის თქმით, ეს ყველაფერი "რწმენის განმტკიცებისთვისაა". ილია მეორის სიტყვებს საზოგადოებრივი მაუწყებელი ავრცელებს.

"თქვენ იცით, რომ გამოჩნდა ახალი ვირუსი. მრავალი ადამიანი შეშინებულია ვირუსის გამო. ზოგიერთმა დაარქვა მას სიკვდილის ვირუსი. ეს ყველაფერი არის იმისათვის, რომ განმტკიცდეს სარწმუნოება, განმტკიცდეს ლოცვა ჩვენი. გეძლევათ ლოცვა-კურთხევა, რომ ყოველ დილა და საღამოს ნაკურთხი წყალი ასხუროთ თქვენს კარმიდამოს, ეზოს შვილებს და ღმერთი იქნება თქვენი მფარველი. ღმერთმა დაგლოცოთ, გაგახაროთ, გაგაძლიეროთ, ღმერთმა მოგცეთ მშვიდობა და სიხარული", – განაცხადა პატრიარქმა.