მარნეულის 50-ე საარჩევნო უბანზე მისულმა ამომრჩეველმა კაბინაში ერთ-ერთი პარტიის მხარდამჭერი წარწერა გააკეთა და საარჩევნო უბანზე ხმაური დაიწყო, რის შემდეგაც ჟურნალისტებსა და მოგვიანებით უბნის კომისიის თავჯდომარეს ტერიტორიაზე არ უშვებდნენ. ინფორმაციას რუსთავი 2 ავრცელებს.

მედიის წარმომადგენლებს შენობაში შესვლაში როგორც საარჩევნო უბნის, ისე საოლქო კომისიის წარმომადგენლები უშლიდნენ ხელს. ამის შემდეგ უბნის თავჯდომარემ უბანი დატოვა და განმარტა, თუ რა დარღვევები დაფიქსირდა.

რამდენიმე წუთში დაბრუნებული უბნის თავმჯდომარე კენჭისყრის შენობაში აღარ შეუშვეს და მან ამის გაკეთება მხოლოდ მას შემდეგ შეძლო, რაც ტერიტორიაზე საპატრულო პოლიცია მივიდა.