საქართველოს პრემიერ-მინისტრი, გიორგი გახარია აშშ-დან მთავრობის მიმართ კრიტიკულ წერილებზე ამბობს, რომ უახლოეს პერიოდში ქართული დელეგაცია შტატებში ჩავა და "ეფექტურად" და "ობიექტურად" იმუშავებენ. მისივე თქმით, მწვავე კი მწვავე კითხვებზე პასუხის გასაცემად მთავრობა ყოველთვის მზად იყო.

"ჩვენ არასოდეს არ შეგვშინებია მწვავე შეკითხვების. ყოველთვის მზად ვიყავით, ამ მწვავე შეკითხვებზე შესაბამისი პასუხი გაგვეცა. არ დავიწყებ გარჩევას სხვადასხვა წერილები იყო სხვადასხვა აქცენტებით. გუშინ საქართველოში ჩამობრძანდა ახალი ელჩი, უახლოეს პერიოდში პარლამენტის დელეგაცია გაემგზავრება ამერიკაში. გარწმუნებთ, რომ ჩვენ ვიქნებით უაღრესად აქტიურები, უაღრესად ეფექტურები და ამასთან ერთად, ობიექტურებიც ყველაფერ იმასთან დაკავშირებით, რაზეც ახლა ამ ჟრიამულს ტეხავთ", — განაცხადა გიორგი გახარიამ.

მთავრობას ახალი კრიტიკულ წერილი ამჯერად სენატის საგარეო ურთიერთობათა კომიტეტის წევრებმა გამოუგზავნეს. წერილში ხაზგასმულია, რომ საქართველოსა და აშშ-ის პარტნიორობა შესაძლოა კითხვის ნიშნის ქვეშ დადგეს. აქამდე ხელისუფლება ამტკიცებდა, რომ კრიტიკული წერილების მიუხედავად, სტრატეგიულ პარტნიორობას საფრთხე არ ემუქრება.

მიზეზად სენატორები ბოლოდროინდელ მოვლენებს ასახელებენ, რომლებმაც მათი თქმით, კითხვები გააჩინა საერთო ღირებულებების არსებობაზე.

გაიგეთ მეტი სენატორების წერილზე:

გაიგეთ მეტი კონგრესმენების წერილებზე: