საერთო-სამოქალაქო მოძრაობა „მრავალეროვანი საქართველო“ 99 მოკლევადიანი დამკვირვებლით არის წარმოდგენილი საპარლამენტო არჩევნების მეორე ტურზე.

ორგანიზაცია აკვირდება ეთნიკური უმცირესობით დასახლებულ რეგიონებში. დამკვირვებლები ჰყავს საგარეჯოს 23-ე, მარნეულის 36-ე, ადიგენი-ახალციხის 44-ე და ისნის 9-ე საარჩევნო ოლქებში.

ამ დროისთვის „მრავალეროვანმა საქართველომ“ 3 საჩივარი დააფიქსირა. მიუხედავად დაფიქსირებული დარღვევებისა, არჩევნები მშვიდ ვითარებაში მიმდინარეობს. ხარვეზები, რომლებიც ამ დროისთვის დაფიქსირდა, საგანგაშო ტენდენციებს არ შეიცავს, თუმცა არ გვაძლევს იმის შეფასების საშუალებას, მოახდენს თუ არა შედეგებზე დარღვევები გავლენას.