ევროპული საქართველოს ერთ-ერთი ლიდერი, დავით ბაქრაძე სალომე ზურაბიშვილის ევროპის საბჭოს საპარლამენტო ასამბლეაზე სიტყვით გამოსვლას ეხმაურება და ამბობს, რომ პრეზიდენტმა "მოლოდინს გადააჭარბა". ბაქრაძის თქმით, ზურაბიშვილმა საერთაშორისო ტრიბუნიდან "ტყუილები" ილაპარაკა.

"მან, როგორც ყოველთვის, მოახერხა და მოლოდინს გადააჭარბა. აღარ ვიტყვი არაფერს იმ ღია ტყუილებზე, რაც ზურაბიშვილმა ისაუბრა: მედიის თავისუფლებასთან, სასამართლოს დამოუკიდებლობასთან, საარჩევნო გარემოსთან, დაცულ უმცირესობებთან დაკავშირებით. იყო უმწვავესი კითხვები და ჩვენ მოვისმინეთ აბსოლუტურად სუსტი და არაარგუმენტირებული პასუხები", — განაცხადა ბაქრაძემ.

დღეს, 28 იანვარს, საქართველოს პრეზიდენტი სალომე ზურაბიშვილი ევროსაბჭოს საპარლამენტო ასამბლეაზე სიტყვით გამოვიდა. სიტყვით გამოსვლის შემდეგ კი ასამბლეის წევრების კითხვებს უპასუხა.