საქართველოს პრეზიდენტმა, სალომე ზურაბიშვილმა ჟურნალისტებს უთხრა, რომ აკრიტიკონ, მაგრამ ახსოვდეთ, რომ მათ სხვა ერთიანი მიზანი აქვთ. სალომე ზურაბიშვილმა მედიასთან საუბრისას აღნიშნა, რომ ქვეყნის შიგნით ყველას უნდა ჰქონდეს განცდა, რომ განსხვავებების მიუხედავად, უფრო მეტი საერთო გვაქვს.

"მე იმას კი არ გთხოვთ, რომ არ გამაკრიტიკოთ. მიდით და მაკრიტიკეთ, მაგრამ ვიცოდეთ, რომ ჩვენ ერთი სხვა ერთიანი მიზანი გაგვაჩნია. მე ამაში ღრმად ვარ დარწმუნებული და მინდა რომ ერთად ვიყოთ ამაში დარწმუნებული", — თქვა სალომე ზურაბიშვილმა.

პრეზიდენტი პარლამენტის თავმჯდომარესთან ერთად გურიაში, ოზურგეთის სოფელ დვაბზუში იმყოფება. ის ეთნოგრაფიულ მუზეუმში ღონისძიება "კალანდა 2020"-ს ესწრება. ადმინისტრაციის ინფორმაციით, პრეზიდენტი გურიაში 3 დღით ჩავიდა და ადგილზე რამდენიმე ღონისძიებას გამართავს.