გია ცაგარეიშვილის განცხადებას, რომ თავისუფალ დემოკრატებში აზრთა სხვადასხვაობის ერთ-ერთი საკითხი ენმ-სთან თანამშროლობა იყო, ინგა გრიგოლიას დღის ამბებში პარტიის ერთ-ერთი ლიდერი, ნინო გოგუაძე გამოეხმაურა:

"მახსენდება მთელი წინა საარჩევნო პერიოდი, როდესაც სუსის დავალებით მთელი თავისუფალი დემოკრატების წევრები იმ მიზეზით ტოვებდნენ პარტიას, რომ, თითქოს, თავისუფალი დემოკრატები თანამშროლობენ ენმ-სთან და მატ შორის ზღვარი არ არის. მაშინ ჩვენ ერთად, მე, ცაგარეიშვილი, აბაშიძე და ა.შ. ამბობდნენ, რომ ეს ადამიანები ასრულებდნენ სუსის დავალებას".

ჟურნალისტის შეკითხვას, პარტიის იმ ლიდერებმა, რომლებმაც რამდენიმე დღის წინ დატოვეს დემოკრატები, სუსის დავალება შეასრულეს თუ არა, გოგუაძემ უარყოფითად უპასუხა, თუმცა, განმარტა:

"მაგრამ ძალიან საეჭვოდ ემთხვევა ოცნების მესიჯი თავისუფალ დემოკრატებთან დაკავშირებით ამ ადამიანების მესიჯს. რაც შეეხება ენმ-სთან თანამშრომლობას, მე არავისთან თავი სამართლებელი არ მაქვს. მე არავისგან მესწავლება ენმ-სთან ბრძოლა".

გრიგოლიას შეკითხვას, რუსთავი 2-ის მხარდაჭერამ გამოიწვია თუ არა პარტიაში დაპირისპირება, გოგუაძემ დადებითად უპასუხა და განმარტა:

"ენმ-ს დროსაც ხელისუფლებისგან დამოუკიდებელი მედიისთვის ვიბრძოდი და ახლაც ასე ვაკეთებ იმიტომ, რომ ეს ერთ-ერთი მთავარი ღირებულებაა დემოკრატიულ სახელმწიფოში".