დისნეი და ცნობილი ამერიკელი რეპერი Ice Cube ჩარლზ დიკენსის ოლივერ ტვისტის ახალ ადაპტაციაზე მუშაობენ.

Ice Cube ფილმის პროდიუსერი და ერთ-ერთი მთავარი როლის შემსრულებელი იქნება. რეპერი ბანდის ლიდერ ფაგინს განასახიერებს.

ახალი ოლივერ ტვისტი თანამედროვე მიუზიკლი იქნება და კომპოზიციები რამდენიმე მუსიკალურ ჟანრში შესრულდება, მათ შორის, რა თქმა უნდა, ჰიპ-ჰოპიც იქნება.

პროექტზე, Ice Cube-თან ერთად, ბროდვეის ბოლო წლების ჰიტის ჰამილტონის რეჟისორი თომას კაილი იმუშავებს.

ფილმის პრემიერის სავარაუდო თარიღი ჯერ-ჯერობით უცნობია.