შრომის პოლიტიკის გადახედვისა და ეფექტური შრომის ინსპექციის შექმნის მოთხოვნით, პარასკევს, 28 ოქტომბერს, 13.00-ზე მთავრობის კანცელარიასთან აქცია გაიმართება.

ორგანიზატორები მოუწოდებენ მთავრობას და პარლამენტს, დაუყოვნებლივ გადახედოს შრომის უსაფრთხოების დაცვის პოლიტიკას:

"გარდაქმნას და აამოქმედოს ეფექტური მექანიზმები, რომლებიც არა მხოლოდ საწარმოო შემთხვევაზე რეაგირებით შემოიფარგლება, არამედ პრევენციული ზომების გატარებას დაისახავს მიზნად. მიგვაჩნია, რომ მნიშვნელოვანია ეფექტური შრომის ინსპექციის შექმნა, რომელიც აღიჭურვება საერთაშორისო ნორმებით აღიარებული უფლებამოსილებებით და გახდება ეფექტიანი შრომის ინსპექციის სისტემის შექმნის წინაპირობა".

შსს-ს ოფიციალური მონაცემებით 2011-2015 წლებში საწარმოო შემთხვევების შედეგად დაიღუპა 212 და დაშავდა 691 დასაქმებული. ბოლო 10 დღის განმავლობაში დაღუპულთა რიცხვი კიდევ, სულ ცოტა, 3 ადამიანით გაიზარდა.

აქციას მართავენ:

  • ადამიანის უფლებების სწავლებისა და მონიტორინგის ცენტრი (EMC)
  • საქართველოს პროფესიული კავშირების გაერთიანება
  • აუდიტორია 115
  • ქალთა მზერა
  • ახალგაზრდა მწვანეები
  • მწვანე მუშტი
  • ირიბი მოქმედების კიბერ-თეატრი
  • Praxis / პრაქსისი
  • თბილისის სოლიდარობის ქსელი
  • თვითორგანიზების ქსელი
  • თეთრი ხმაურის მოძრაობა