თავდაპირველი შესწავლის შედეგების თანახმად, ალ-ასადის ბაზაზე დაბომბილი ტერიტორია ამერიკელებით არ იყო დასახლებული. ინფორმაციას აშშ-ის სამხედრო უწყება ავრცელებს. ოფიციალური პირები აცხადებენ, რომ სიტუაციის სრულად შესაფასებლად გათენებას დაელოდებიან.

ცოტა ხნით ადრე CNN-ს ერაყელმა წყარომ განუცხადა, რომ ბაზაზე დაღუპულები არიან.

ირანმა ერაყში არსებულ მინიმუმ ორ ამერიკულ ბაზას ბალისტიკური რაკეტებით შეუტია. აშშ-ის ცნობით, ამერიკული სამხედრო ბაზების მიმართულებით სულ მცირე 12 რაკეტა ისროლეს თავდასხმა გასულ კვირას ირანელი გენერლის, სოლეიმანის ლიკვიდაციას უკავშირდება. ირანული სახელისუფლებო მედიის თქმით, ოპერაციას "მოწამე სოლეიმანი" უწოდეს.

დაშავებულებისა და დაღუპულების შესახებ ინფორმაცია ჯერჯერობით არ გავრცელებულა.

განხორციელებულ თავდასხმაზე პასუხისმგებლობა ირანის რევოლუციის გუშაგთა კორპუსმა აიღო. მათ განცხადებაში ნათქვამია, რომ ნებისმიერი ქვეყანა, სადაც აშშ-ის სამხედრო ბაზებია განლაგებული, შეიძლება აგრესიის სამიზნე გახდეს. გარდა ამისა, გუშაგთა კორპუსმა ამერიკის მოქალაქეებს მოუწოდა, მთავრობას რეგიონიდან სამხედრო ძალების გაყვანა მოსთხოვონ.

გაიგეთ მეტი: