ტოკიოში მცხოვრებმა კეინ ტანაკამ 117-ე დაბადების დღე მეგობრებთან ერთად, მოხუცთა თავშესაფარში აღნიშნა. გინესის რეკორდების მიხედვით, ტანაკა მსოფლიოს ყველაზე ასაკოვანი ადამიანია.

როგორც ადგილობრივი ტელევიზიით გავრცელებული კადრებიდან ჩანს, ქალი თავს კარგად გრძნობს. მან მარწყვის ტორტიც გასინჯა და აღნიშნა, რომ ძალიან გემრიელია.

კეინ ტანაკა 1903 წელს დაიბადა - სწორედ იმ წელს, როცა ძმებმა რაიტებმა ძრავიანი თვითმფრინავით პირველი ფრენა განახორციელეს. ქალი 1922 წელს დაქორწინდა. მეუღლესთან მას ოთხი შვილი შეეძინა, მეხუთე კი - იშვილა.

ისტორიაში ყველაზე დიდხანს მცხოვრები ადამიანის ტიტულამდე კეინ ტანაკას ჯერ კიდევ ხუთი წელი აშორებს, თუმცა თუ თავშესაფრის თანამშრომლებს დავუჯერებთ, ის თავს კარგად გრძნობს და სამაგიდო თამაშებშიც რეგულარულად იმარჯვებს.