რუსეთის საგარეო უწყების ცნობით, მოსკოვმა, აშშ-ს სანქციების საპასუხოდ რიგი ღონისძიებები დაგეგმა. ინფორმაციას ამის შესახებ Ria Novosti ავრცელებს.

"რუსეთის წინააღმდეგ აშშ-ს სანქციები უკვე დიდი ხანია გრძელდება. ჩვენ ეს პერიოდი იმისთვის გამოვიყენეთ, რომ გარკვეული საგამომძიებლო სამუშაოები ჩაგვეტარებინა და ღონისძიებათა სერია მოგვემზადებინა, რომლებიც სწორედ ასიმეტრიულ რეჟიმში გავრცელდება", - ამბობს საგარეო საქმეთა სამინისტროს წარმომადგენელი, სერგეი რიაბკოვი.

აშშ-ს წარმომადგენელმა განაცხადა, რომ აშშ თავის ევროპელ პარტნიორებთან განიხილავს, თუ როგორ უნდა აღუდგნენ წინ რუსეთის მიერ სირიაში ჩადენილ ქმედებებს. ამასთან, მისი თქმით, ისინი რუსეთის წინააღმდეგ ახალ სანქციებსაც განიხილავენ.

დასავლეთი მოსკოვსა და დამასკოს მოქალაქეებსა და შეიარაღებულ ოპოზიციაზე თავდასხმაში ადანაშაულებს. სირია და რუსეთი კი ამტკიცებენ, რომ თავდასხმებს მხოლოდ ტერორისტულ დაჯგუფებებეზე ახორციელებენ.