როიტერის ინფორმაციით, ჰაიტის ჩრდილოეთით მდებარე ციხიდან გაქცევისას პატიმრებმა დაცვის პოლიციელი მოკლეს და ცეცხლსასროლი იარაღები მოიპარეს.

ციხიდან 174 მსჯავრდებულია გაქცეული. ოფიციალურმა პირებმა უკვე დაიწყეს სამძებრო სამუშოები. სამართალდამცავებს ეხმარება გაეროც.

გაქცევისას დააპატიმრეს 11 ამბოხებული, ამავე დროს დაიჭრა 3 პატიმარი, მათგან ერთი დაიღუპა. პატიმრებმა გაქცევის გეგმა მაშინ განახორციელეს, როცა მათი ნაწილი შხაპს იღებდა.

პოლიციამ ციხიდან მიმავალ გზებზე უკვე განათავსა საგუშაგოები, რომლებიც ამოწმებენ ყველას. როიტერის ცნობით, მათ უკვე დააკავეს პირადობის დამადასტურებელი მოწმობის არმქონე რამდენიმე პირი.

გაქცეულების პოვნას ართულებს ისიც, რომ აღნიშნულ ციხეში მოთავსებული 266 პატიმარი ციხის ფორმას არ ატარებდა.

ოფიციალური ინფორმაციით, სხვა იარაღთან ერთად გაქცეულებმა მინიმუმ 5 შაშხანა წაიღეს.

აშშ-ს საელჩო ჰაიტიში მყოფ თავის მოქალაქეებს აფრთხილებს, რომ მიმდებარე ტერიტორიას მოერიდონ.