უმრავლესობის წევრი, გია ვოლსკი სანდრა რულოვსის მიერ არჩევნების მეორე ტურში მონაწილეობაზე უარის თქმას აფასებს:

"სანდრასთვისაც ემოციური გადაწყვეტილება იყო მიღებული. ვფიქრობ, მთლიანობაში ცოტა ძნელია საარჩევნო პროცესში მონაწილეობა მაშინ, როდესაც იგივე დაღუპული ახალგაზრდის დედა გეკითხება პასუხს, შეფასებას გთხოვს, გიჭირს თვალებში ჩახედო მას და ესაუბრა იმის თაობაზე, რა მოხდა, რას ჰგავდა ის რეჟიმი, როდესაც ასეთი ფაქტები ხდებოდა და ვფიქრობ ემოციურად საკმაოდ ძნელია, ქალისთვის განსაკუთრებით, რომ ყველაფერს ამას დაუპირისპირდე".

ერთიანი ნაციონალური მოძრაობის ზუგდიდის მაჟორიტარული დეპუტატობის კანდიდატმა, საქართველოს ყოფილმა პირველმა ლედიმ, სანდრა რულოვსმა გადაწყვიტა, რომ საპარლამენტო არჩევნების მეორე ტურში მონაწილეობა არ მიიღოს.