მართალია, რამდენიმე დღის წინ მერაია ქერის ყველასთვის კარგად ცნობილი სიმღერა, All I Want For Christmas ბრიტანეთში ჩატარებული გამოკითხვის შედეგად ყველაზე მომაბეზრებელ საშობაო სიმღერად დასახელდა, თუმცა, როგორც ჩანს ამერიკაში ის პირიქით — განსაკუთრებულად უყვართ.

All I Want For Christmas Is You მთელს მსოფლიოში ერთ-ერთი ყველაზე ცნობილი საშობაო სიმღერაა, რომელიც ამერიკელმა მომღერალმა, მერაია ქერიმ 1994 წელს გამოუშვა.

25 წლის განმავლობაში ეს სიმღერა ყოველ წინასაახალწლო პერიოდში მრავალი ქვეყნის ჩარტებში ლიდერობს, თუმცა მათ შორის მშობლიური ამერიკის მუსიკალურ ჩარტებში, რაც არ უნდა გასაკვირი იყოს, პირველი ადგილი არასდროს დაუკავებია.

თუმცა სიმღერის გამოსვლიდან 25 წლის იუბილეზე მერაია ქერიმ მოახერხა, რომ ბილბორდის მუსიკალური ჩარტების სათავეში მოქცეულიყო. როგორც ამერიკული მუსიკალური ჟურნალი, ბილბორდი აქვეყნებს ინფორმაციას, მხოლოდ გასულ კვირაში რადიოთი სიმღერას 34-მილიონჯერ მოუსმინეს.

ეს მერაია ქერის მეცხრამეტე სინგლია, რომელმაც ბოლბორდის ჩარტებში მსგავს წარმატებას მიაღწია და ის ამ შედეგით რეკორდსმენი სოლო შემსრულებელია. მას მხოლოდ ჯგუფი The Beatles უსწრებს, რომელის ოცი სიმღერა გახდა სხვადასხვა დროს ბილბორდის ჩარტების ლიდერი.

ამ ფაქტს თავად მომღერალი ტვიტერზე შემდეგი ტექსტით გამოეხმაურა:

"ჩვენ ეს შევძელით".