"თქვენც ნაციონალი ხართ. ნახეთ თქვენი ლოგო, ნაცმოძრაობის ლოგო გაქვთ აქ", — ასე მიმართა პარლამენტის ყოფილმა თავმჯდომარემ, ირაკლი კობახიძემ მთავარი არხის ჟურნალისტს, ვასილ დაბრუნდაშვილს.

ირაკლი კობახიძის მტკიცებით, პარლამენტთან პროპორციულ საარჩევნო სისტემას მხოლოდ "200 ნაცი" ითხოვს და მათი შეძახილებით დისკომფორტი ვერ შეიქმნება.

"ეს არის 200 ნაცი და მათ აქვთ დისკომფორტი იმის გამო, რომ არიან ნაცები. ვხედავთ, რომ რამდენიმე ორგანიზაცია აქვთ შექმნილი და თავის თავსაც ვერ ეძახიან ნაცს, იმდენად დისკრედიტირებულებია", — ამბობს ირაკლი კობახიძე.

მას შემდეგ რაც, ვასილ დაბრუნდაშვილმა ქართული ოცნების წევრს უთხრა, რომ ისიც პროპორციულ საარჩევნო სისტემას ითხოვს და მასაც დაპირდნენ საარჩევნო ცვლილებას, დეპუტატმა უპასუხა:

"თქვენ ხართ ნაციონალური მოძრაობის წარმომადგენელი, თქვენ არაფერს არ გპირდებათ არავინ... თითოეულ მოქალაქეს ჩვენ პატივს ვცემთ, მაგრამ პოლიტიკურ დაპირებებს არ ვაძლევთ ნაციონალურ მოძრაობას".