საოკუპაციო რეჟიმი გეგმავს, ახალგორში, 2008 წლის აგვისტოს ომის შემდეგ დევნილების სახლებში ადგილობრივები შეასახლონ. დე-ფაქტო სამხრეთ ოსეთის სახელისუფლებო მედიის ინფორმაციით, ამის შესახებ ე.წ. გამგებელმა, ვიტალი მამიტოვმა განაცხადა.

მამიტოვის თქმით, საუბარია 3 საცხოვრებელ კორპუსზე, რომელშიც 60-მდე ბინაა. ის ამტკიცებს, რომ "იურისდიქციის ცვლილების" შემდეგ იქ მაცხოვრებლებმა "საქართველოში გადასვლა გადაწყვიტეს" და სახლები უფუნქციოა.

2008 წლის 7 აგვისტოს დილით რუსეთის რეგულარულმა სამხედრო ძალები შემოიჭრნენ საქართველოს ტერიტორიაზე და სამხედრო შეტევა დაიწყეს. აგვისტოს ომმა 400-ზე მეტი ადამიანის სიცოცხლე იმსხვერპლა, მათ შორი 170 სამხედრო მოსამსახურე იყო. ჯანდაცვის სამინისტროს მონაცემებით, ომში დაიჭრა/დაშავდა 2 232 პირი, მათგან 1 045 სამხედრო მოსამსახურე. ომის შედეგად 5 დღეში უსახლკაროდ დარჩა 150 000 ოჯახი. ომის დაწყებიდან ათი წელი გავიდა, თუმცა საოკუპაციო რეჟიმი დღემდე არღვევს სუვერენული სახელმწიფოს საზღვრებს და იტაცებს ხალხს.