ახალ ზელანდიაში ვულკანის ამოფრქვევის შედეგად სულ მცირე ხუთი ადამიანი დაიღუპა, რამდენიმე კი უგზო-უკლოდ არის დაკარგული.

კუნძულ ვაით აილენდზე ვულკანის ამოფრქვევა მოულოდნელად დაიწყო. იმ მომენტისთვის კუნძულზე 50-მდე ადამიანი იმყოფებოდა. ჯერჯერობით უცნობია ავსტრალიელი ტურისტების ბედი, რადგან ვიდეოსათვალთვალო კამერების მიხედვით, ამოფრქვევის დაწყებამდე ისინი უშუალოდ კრატერში იყვნენ.

ამოფრქვევის გამო ჰაერში ვულკანური ფერფლი მოხვდა, რამაც სამაშველო ოპერაცია კიდევ უფრო მეტად გაართულა.

ვაით აილენდი დაუსახლებელი ვულკანური კუნძულია, რომელიც ჩრდილოეთის კუნძულის ჩრდილოეთით მდებარეობს. ბოლო ვულკანი 2016 წელს ამოიფრქვა.

ფოტო: AP