საქართველოს პარლამენტის ეროვნული ბიბლიოთეკის დირექტორმა, გიორგი კეკელიძემ ახალქალაქის მუნიციპალიტეტის სამ სოფელს ბიბლიოთეკისთვის საჭირო წიგნები ჩაუტანა:

"გზა, რომელიც ავირჩიეთ, რთულია და ამბიციური. იმედი მაქვს — დიდი და მნიშვნელოვანიც. ჩვენ გვსურს წერა-კითხვის გამავრცელებელი საზოგადოების მემკვიდრეობა — რაც განათლებულ და განვითარებულ საქართველოს უდრის.

დღეს ახალქალაქის მუნიციპალიტეტის სამ სოფელს ვესტუმრეთ (ჩანდურა, კიროვაკანი, ვაჩიანი) და პატარა ბიბლიოთეკები მოვუწყვეთ. ასეთი ბიბლიოთეკები ახალქალაქის ყველა სოფელში მოეწყობა. მე ხან თვეში ერთხელ, ხანაც ორჯერ ჩავალ და გაკვეთილებს ჩავატარებ.
მნიშვნელოვანი საქმეები ფართო თანამშრომლობით კეთდება".