ბიზნესმენმა ილონ მასკმა სასამართლო მოუგო მყვინთავს, რომელსაც პედოფილი უწოდა ("pedo guy"). ნაფიცი მსაჯულების გადაწყვეტილებით მასკის ტვიტი ბრიტანელი მყვინთავის, ვერნონ ანსვორზის მიმართ ცილისმწამებლური არ იყო.

ლოს-ანჯელესის რაიონული სასამართლოს ნაფიცმა მსაჯულებმა გადაწყვეტილება განხილვიდან მეოთხე დღეს მიიღო. ანსვორზი კომპენსაციის სახით 190 მილიონ დოლარს ითხოვდა და ამტკიცებდა, რომ ილონ მასკის ტვიტმა მის რეპუტაციას ზიანი მიაყენა. ბიზნესმენის გამონათქვამი, რომელიც პედოფილიადაც ითარგმნება, მან ცილისწამებად მიიჩნია.

2018 წელს ტაილანდში მღვიმიდან ბავშვების გამოყვანის გამო ანსვორზმა და მასკმა იკამათეს. ანსვორზ ბავშვების გადარჩენის ოპერციაში იღებდა მონაწილეობას.

მასკმა სამაშველო ოპერაციისთვის სპეციალური მინიწყალქვეშა ნავი შექმნა. როგორც აღმოჩნდა, მაშველებისთვის ეს აპარატი გამოუსადეგარი იქნებოდა, ანსვორზმა კი ამას პიარკამპანია უწოდა. გარდა ამისა, მან განაცხადა, რომ მასკს შეუძლია წყალქვეშა ნავი გაიკეთოს "იქ, სადაც მტკივნეულია" ("stick where it hurts").

ამას შემდგომში რამდენიმე ტვიტი მოჰყავს, რა დროსაც მასკმა ანსოურტას "პედოფილი" ("pedo guy") უწოდა. თუმცა მასკმა ტვინი მალევე წაშალა და ბოდიშიც მოიხადა. სასამართლოში ბიზნესმენი ამტკიცებდა, რომ მხოლოდ ანსვორზის თავდასხმებს იგერიებდა.

"შეურაცხყოფას შეურაცხყოფითვე ვუპასუხე", — განაცხადა მასკმა და აღიარა, რომ მისი გამონათქვამი გაუმართლებელი იყო.

გარდა ამისა, მან მოუწოდა საზოგადოებას, რომ მისი ნათქვამი პირდაპირი მნიშვნელობით არ გაიგონ, რადგან ის არ გულისხმობდა, რომ მყვინთავი პედოფილია. ბიზნესმენი განმარტავს, რომ სამხრეთ აფრიკაში, სადაც ის გაიზარდა, ამ ფრაზას კამათის დროს იყენებენ და "საზიზღარ ბებერს" ნიშნავს:

"ეს ფრაზა გამოიყენება იმისთვის, რომ ადამიანს შეურაცხყოფა მიაყენო, შეურაცხყოფა მიაყენო მის გარეგნობას, ქცევას და არა იმისთვის, რომ პედოფილიაში დაადანაშაულო".

ნაფიცმსაჯულთა გამამართლებელი გადაწყვეტილების შემდეგ მასკმა განაცხადა:

"ადამიანების მიმართ ჩემი რწმენა აღდგა".

გადაწყვეტილებას არ ეთანხმება მყვინთავის ადვოკატი. სასამართლოზე ადვოკატმა, ლინ ვუდმა ბიზნესმენს "მილიარდერი ხულიგანი" უწოდა და განაცხადა, რომ მისი განცხადებით მყვინთავის ცხოვრებას ჩრდილი მიადგა.

თვითონ ანსვორზმა აღნიშნა, რომ პატივს სცემს სასამართლოს გადაწყვეტილებას, თუმცა მოვლენების ასეთ განვითარებას არ ელოდა.