თბილისში, ნაძალადევის რაიონში, სოფო კილაძის სამაჟორიტარო ბიუროსთან აქცია იმართება. როგორც აქტივისტები ამბობენ, ბიუროსთან აქციის დაშლის დროს დაშავებული ადამიანები შეიკრიბნენ.

"უნდა ვთხოვო, რომ შეგვხედავს. მარტო ჩემი თხოვნა ხო არ არის, მისი ვალდებულებაც არის. როცა ადამიანებს გვირტყამენ, მისი თანამდებობიდან გამომდინარე, ერთხელ მაინც რომ შეგვხვდეს", — თქვა აქციის ერთ-ერთმა მონაწილემ და სოფო კილაძეს პირად ნომერზე რამდენჯერმე დაურეკა.

სოფო კილაძე ამბობს, რომ აქტივისტებთან შეხვედრაზე შეთანხმებული იყო, თუმცა ისინი არ მივიდნენ:

"მათ თუ პერფორმანსები უნდათ მოაწყონ, შეუძლიათ მოაწყონ, მაგრამ არის არაგულწრფელი, როდესაც მათ აქვთ ნებისმიერ დროს ჩემთან შეხვედრის შესაძლებლობა".