თითქმის ერთი თვეა, საქართველოს საგამოძიებო უწყებები არკვევენ, რომელი უწყების კომპეტენციაა And Then We Danced-ის არალეგალურად გავრცელების საქმის გამოძიება. ასეთივე გაურკვეველი მდგომარეობა იყო საჩივრის შეტანიდან 10 დღის თავზეც.

ფინანსთა სამინისტროს საგამოძიებო სამსახურში On.ge-ს განუცხადეს, რომ გამოძიება საქართველოს არც ერთ საგამოძიებო უწყებაში ამ დრომდე არ დაწყებულა.

ინტერნეტში ფილმ And Then We Danced-ის არასრული სამუშაო ვერსიის გავრცელებაზე ფილმის პროდიუსერმა, ქეთი დანელიამ შინაგან საქმეთა სამინისტროს 10 ნოემბერს მიმართა. განცხადება უწყებამ ფინანსურ პოლიციას გადაუგზავნა, ფინანსურმა პოლიციამ შსს-ს დაუბრუნა. ბოლო მონაცემებით, შინაგან საქმეთა სამინისტრომ საქმე ისევ ფინანსურ პოლიციას გადაუგზავნა.