ხულოში ქართული ოცნების მხარდამჭერები აქციის მონაწილეებს დაუპირისპირდნენ. რუსთავი 2-ის ინფორმაციით აქციას არასამთავრობო ორგანიზაიცა ალტერნატივას წევრები მართავდნენ და ხულოს მაჟორიტარ დეპუტატ, ანზორ ბოლქვაძესთან შეხვედრა სურდათ.

რუსთავი 2-ის მიერ გავრცელებულ კადრებში ჩანს, რომ ფიზიკური და სიტყვიერი დაპირისპირება ხულოს ქართული ონცების მაჟორიტარის ბიუროს შენობაში ხდება. აქტივისტებს თან ჰქონდათ სტიკერები წარწერით "მონა".

"დღეს ვაპროტესტებთ აქ ჩვენ იმ მონურ რეჟიმს, რაც ბიძინა ივანიშვილმა დაამკვიდრა საქართველოში და ყველა კუთხეში. ახალგაზრდები აპროტესტებდნენ ანზორ ბოლქვაძის ბიუროსთან, ეს არის მონა ადამიანი, რომელმაც მთელ საქართველო შეურაცხყო და განსაკუთრებით ხულო იმ დავალებით, რაც ბიძინა ივანიშვილმა გასცა ", — თქვა აქციის ერთ-ერთმა მონაწილემ რუსთავი 2-თან საუბრისას.

დაპირისპირება მოხდა გუშინ, 3 დეკემბერს ზუგდიდში, სადაც ქართული ოცნების მხარდამჭერებმა ნაციონალური მოძრაობის ოფისს კვერცხები ესროლეს. ზუგდიდის მსგავსად, დაპირისპირება იყო ქობულეთის საკრებულოსა და მცხეთის მერიასთან, ოპოზიციის აქციის პარალელურად ქართული ოცნების მხარდამჭერების კონტრაქციაც იმართებოდა. აქციაზე ქართული ოცნების მხარდამჭერები განსაკუთრებული აგრესიულობით გამოირჩეოდნენ ოპოზიციის ლიდერების მიმართ. ნაციონალური მოძრაობის წევრს ზაალ უდუმაშვილს ცოცხი ესროლეს, ხოლო ევროპული საქართველოს ერთ-ერთ ლიდერს გიგა ბოკერიას წყალი შეასხეს.

2 დეკემბრის კი ქართული ოცნების ახალგაზრდული ფრთის წევრებმა და პარტიის სხვა მხარდამჭერებმა მმართველი პარტიის ოფისთან კონტრაქცია გამართეს. ისინი სიტყვიერ შეურაცხყოფას აყენებდნენ და ფიზიკურად უსწორდებოდნენ მოძრაობა #სირცხვილიას, გაბედეს და შეცვალეს აქტივისტებს. აქტივისიტები ამბობენ, რომ აგრესიული პირები მათ ესროდნენ შუშხუნებს, რომელიც ერთ-ერთ აქტივისტს თვალში მოხვდა. მათივე თქმით, დაშავდა 5 ადამიანი.