124 წლიანი ისტორიის განმავლობაში ჟურნალი Vogue პირველად აფიქსირებს საკუთარ არჩევანს ამერიკის საპრეზიდენტო არჩევნებთან დაკავშირებით და ამბობს, რომ მისი ფავორიტი ჰილარი კლინტონია.

"ჟურნალის რედაქტორებს ყოველთვის ჰქონდათ საკუთარი პოლიტიკური მოსაზრებები და ამას ხმამაღლა ამბობდნენ, მაგრამ თვითონ ჟურნალი არასდროს არ აფიქსირებდა პოზიციას არჩევნებთან დაკავშირებით. იმის გათვალისწინებით, თუ რა ისტორიული არჩევანის წინაშე ვდგავართ, ჩვენ ვგრძნობთ პასუხისმგებლობას და ვაფიქსირებთ პოზიციას დიდი ცვლილებებისთვის, ჩვენ გვესმის, რომ ჰილარი კლინტონი ყოველთვის არ იყო იდეალური კანდიდატი პრეზიდენტობისთვის, თუმცა პოლიტიკურმა გამოცდილებამ, ინტელექტმა და მისმა პოზიციებმა დაგვარწმუნა, რომ ის იქნება ხმა და იმედი ნებისმიერი ამომრჩევლისთვის.

ფოტო: getty images

კლინტონი იქნება იმედი ემიგრანტებისთვის, ქალებისთვის, დაიცავს ლგბტ უფლებებსა და აღადგენს რასობრივ სამართლიანობას. ქალებმა ხმის უფლება 1920 წელს მიიღეს და ახლა, ერთი საუკუნის შემდეგ ჩვენს ქვეყანას ეყოლება პირველი პრეზიდენტი ქალი, ეს არის არჩევნები, რომლებიც გადაწყვეტს როგორი ამერიკა გვინდა გვქონდეს ჩვენ და ჩვენ, VOGUE-ს რედაქციას გვსურს - იმედიანი, თანამედროვე და ძლიერი ქვეყანა" - ნათქვამია ჟურნალის განცხადებაში.

სხვა დიდ მედიაგამომცემლებთან ერთად, ჰილარი კლინტონს მხარს უჭერს The New York Times-იც.